विमला वली र अजय शाहीलाई सांसदबाट पदमुक्त गर्न एमालेको सभामुखलाई पत्र

राजनीति भाद्र १ 2078 ekhabarnepal
Uml lumbini 1

बुटवल, भदौ १ । प्रदेश सरकारका बिना विभागीय मन्त्री अजय शाही र सांसद बिमला खत्री वलीलाई पदमुक्त गर्न नेकपा एमालेले सभामुख पूर्णबहादुर घर्तीलाई आज पत्र बुझाएको छ। एमाले संसदीय दलका मुख्यसचेतक भुमिश्वर ढकालले एमालेको सूर्य चिन्ह लिएर निर्वाचित शाही र बिमला ओलीले पार्टीको बिधान र संसदीय दलको बिधान नियम बिपरीत र पार्टीको निर्देशनबिपरीत गतिविधि गरेको भन्दै पदमुक्त गर्न प्रदेशसभामा पत्र बुझाइएको बताउनु भयो ।

‘उहांहरुले पार्टीको नीति निर्देशन मान्नु भएन पार्टीको ह्विप विपरीत तत्कालीन मुख्यमन्त्री शंकर पोखरेल नेतृत्वको सरकारको नीति तथा कार्यक्रम असफल गर्न मतदान गर्ने, तथा संसदीय दलको निर्देशन बिपरीत नवगठित मन्त्रीपरिषदमा सहभागी हुने गरेकोले पदमुक्त गर्नका लागि पत्राचार गरेका हौं,’ ढकालले भन्नुभयो । कार्वाहीमा परेकामध्ये शाही २०७४ सालमा सम्पन्न प्रदेशसभा सदस्य निर्वाचनमा नवलपरासीको क्षेत्र नं १ ख बाट सूर्य चिन्ह लिएर निर्वाचित हुनुभएको थियो भने बिमला एमाले नेता उत्तर कुमार वलीको निधनपछि २०७६ सालमा तत्कालीन नेकपाको तर्फबाट दाङको निर्वाचन क्षेत्र नं ३ ख बाट निर्वाचित हुनुभएको थियो ।

शाहीले आफूलाई स्वतन्त्र सांसद भएकोले नेकपा एमालेको ह्विप नलाग्ने दावी गर्दै आउनु भएको छ भने वली कहिले एमाले कहिले नेकपा माओवादी भएको भन्दै विवादास्पद काम गरिरहनु भएको छ । आफ्ना सांसदलाई मन्त्रीमा सपथ खुवाएको भन्दै एमालेले प्रदेश प्रमुख अमिक शेरचनको समेत आलोचना गर्दै आएको छ ।

प्राप्त प्रतिकृयाहरू

To Top