पहिलो पटक एकैदिन  २ हजार बढी कोरोना संक्रमित थपिए

समाज असोज २ 2077 ekhabarnepal
5e92ff0d5dafd 1

काठमाडौं, असाेज २

शुक्रबार देशभर २ हजार बढीमा कोरोना संक्रमण पुष्टि भएको छ। एकै दिन २ हजार बढी संक्रमित थपिएकाे पहिलाे पटक हाे। 
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा २ हजार २० संक्रमित थपिएका हुन्। यीसहित हालसम्म देशभर संक्रमितको संख्या ६१ हजार ५९३ पुगेको छ।
त्यस्तै पछिल्लो २४ घण्टामा ८७१ जना कोरोनाबाट निको भइ घर फर्किएका छन्। यीसहित हालसम्म निको हुनेको संख्या ४३ हजार ८२० पुगेको छ। हाल देशभर १७ हजार ३८३ जना सक्रिय संक्रमित रहेको मन्त्रालयले जनाएको छ।


त्यस्तै यस दिन मृतक थप ७ जनामा कोरोना पुष्टि भएको छ। यीसहित हालसम्म मृतक ३ सय ९० जनामा कोरोना देखिएको छ।

यस दिन ११ हजार ४५८ जनाको पिसिआर परीक्षण भएको छ। हालसम्म ८ लाख ९४ हजार जनाको पिसिआर परीक्षण भएको छ।

प्राप्त प्रतिकृयाहरू

To Top