सुन्दर यातायातले पुरानै भाडादरमा काठमाडौँमा बस चलाउने

समाज असार २९ 2077 ekhabarnepal
Maxresdefault

काठमाडौं,असार २९
काठमाडौं उपत्यकामा सुन्दर यातायातले मंगलबारदेखि चार वटा विजुली बस सञ्‍चालन गर्ने भएको छ।
यातायातले सोमबार विज्ञप्ति जारी गर्दै लकडाउन अगाडिकै भाडादरमा चारवटा बिजुली गाडी चलाउने जनाएको छ।
विज्ञप्तिमा भनिएको छ, ‘ देश तथा विदेशभर कोरोना भइरहेको अवस्थामा सुन्दर यातायातले प्रत्‍येक यात्रुको ज्वरो परीक्षण गरेर मात्र यात्रुलाई सवार गराइनेछ। यसका साथै सम्पूर्ण सुरक्षाको जिम्‍मेवारी लिँदै यात्रुलाई सेनिटाइजर, मास्क उपलब्ध गराउनेछ।’
यसका साथै हरेक एक राउण्डमा बसलाई डिसइन्फेक्शन गरिनछ भने चालक र सह-चालकलाई छुट्टै पञ्‍जा, सेनिटाइजर, पीपीइ, बुट र मास्क उपलब्‍ध गराउने यातायात प्रालिले जनाएको छ।
यसका साथै सरकारले लिने भनेको थप ५० प्रतिशत भाडा नलिइकन पुरानै भाडादरमा यात्रा गराउने सुन्दर यातायातले जनाएको छ।

प्राप्त प्रतिकृयाहरू

To Top