नयाँ करार हुनुपर्छ

राधा वाग्ले

यता न उता कति हुने वार कि पार हुनुपर्छ/

उज्यालो हुन शनि होइन रवि बार हुनुपर्छ/

सम्वृद्धि खेलो मेलोले आउन्न सुद्द व्यापार हुनुपर्छ/

दलाली छोडेर आमने सामने कारोवार हुनुपर्छ/

ओइलाउन झर्न त हुँदै भएन सदाबहार हुनुपर्छ/

प्रतिकारले पुग्दैन अब त सिधा प्रहार हुनुपर्छ/

मिसिने मिसिन्छन् छुट्नेलाई नी द्वार हुनुपर्छ / 

पस्नेलाई स्वागतको गुच्छा र निस्कनेलाई उपहार हुनुपर्छ /

खराब असल छुट्याउन मिल्ने एउटा दरार हुनुपर्छ/

झिना मसिना सम्झौता भंग गरि सुरु नयाँ करार हुनुपर्छ/