रुपन्देही देवदहकी महिलाको कोरोनाबाट दुबईमा मृत्यु

समाज चैत्र २६ २०७६ ekhabarnepal

  
काठमाडौं, चैत २५
कोरोना भाइरस (कोभिड—१९) संक्रमणबाट संयुक्त अरब एमिरेट्स (युएई) को दुबई सहरमा एक नेपाली महिलाको मृत्यु भएको छ। आबुधाबीस्थित नेपाली दूतावासका अनुसार ४० वर्षीय नेपाली महिलाको बर दुबईमा मृत्यु भएको हो।
a
मृतक महिलाको नेपाल ठेगाना रुपन्देहीको देवदह नगरपालिका वडा नं.५ प्रगतिबजार हो।

भारतीयको घरमा घरेलु कामदारको रुपमा रहेकी उनी केही दिनदेखि अस्वस्थ थिइन्। एक दशकदेखि दुबई बस्दै आएकी उनको मृत्यु अगाडि कोरोना परीक्षण तथा उपचार भए—नभएको खुलेको छैन। देवदहस्थित परिवार स्रोतका अनुसार उनी मुटुको रोगबाट समेत पीडित थिइन्।

नेपालीको रोजगार गन्तव्य युएईमा २ लाख ७५ हजार नेपाली छन्। अहिलेसम्म त्यहाँ ११ जना नेपालीमा कोरोना संक्रमण देखिएको छ। ‘जम्मा ११ जना भनिए पनि २ जना निको भइसक्नु भएको छ। ९ जनाले उपचारपछि स्वास्थ्य लाभ गरिरहनु भएको छ। उहाँहरुको अवस्था सामान्य छ’, नेपाली दूतावासकी नियोग उपप्रमुख धितालले भनिन्।

प्राप्त प्रतिकृयाहरू

To Top