चीनबाट र चीनहुँदै अष्ट्रेलिया आएमा भिसा रद्द गरेर हिराशतमा राखिने

समाज माघ २० २०७६ ekhabarnepal
Australia

अष्ट्रेलियाको सरकारले चीनबाट र चीनहुँदै अष्ट्रेलिया आउन निषेध गरेको छ । यदि कोही व्यक्ति आएको खण्डमा भिसा रद्द गरिने र हिराशतमा राखिने अष्ट्रेलियाको सरकारले चेतावनी दिएको छ ।

सरकारले यस्तो प्रतिबन्ध लगाएपछि चीनबाट अष्ट्रेलिया जान ठिक्क परेका हजारौं यात्रुहरुले यात्र गर्न पाएका छैनन् । चीनमा कोरोना भाइरसको संक्रमण फैलिएपछि अष्ट्रेलियाले यस्तो प्रतिबन्धको घोषणा गरेको हो ।

फरबरी १ पछि चीनबाट र चीनहुँदै आउनेहरुका सन्दर्भमा यो निषेध लागु गरिएको हो । तर अष्ट्रेलियन नागरिक, पीआर वाहक र उनीहरुका परिवारका नजिकका सदस्यहरुलाई भने यस्तो प्रतिबन्ध लगाइएको छ । त्यो बाहेक सबैमाथि यो प्रतिबन्ध लगाइएको छ ।

प्रतिबन्धपछि आउने जो सुकैलाई पनि भिसा रद्द गरेर वैकल्पिक हिराशतमा राखिने जनाइएको छ । हिराशतमा राखेर उनीहरुमाथि कोरोना भाइरस संक्रमण भए नभएको चेक गरिनेछ ।

अष्ट्रेलियन सरकारले आफ्ना नगरिकलाई पनि चीनको भ्रमण नगर्न सुझाव दिएको छ । चीनको भ्रमण गरेर फर्केकाहरुलाई कम्तीमा १४ दिन एक्लीएर बस्न भनिएको छ ।

प्रतिबन्ध लागु भएको रातभरमा चीनबाट आउने ७१ जनाको भिसा रद्द गरिएको छ भने अष्ट्रेलिया प्रवेशमा रोक लगाइएको छ । प्रतिबन्धपछि चीनबाट अष्ट्रेलिया आउने यात्रुको संख्यामा उच्च गिरावट आएको छ ।
 

प्राप्त प्रतिकृयाहरू

To Top