काठमाडौँ–केरुङ रेल मार्गबारे आज वार्ता हुँदै

समाज मंसिर १० २०७६ ekhabarnepal
Railway track bhatkio 3

काठमाडौँ,मंसिर १० 
 अन्तरदेशीय रेलसेवा निर्माण सम्बन्धी नेपाल–चीन वार्ता मंगलबार काठमाडौँमा हुँदैछ । नेपाल र चीनका अधिकारी अन्तरदेशीय रेलसेवा निर्माण सम्बन्धी छलफलका लागि पाँचौँपटक वार्तामा बस्न लागेका हुन् ।

वार्ता काठमाडौँ–केरुङ रेलमार्गको सम्भाव्यता अध्ययन प्रक्रियाअघि बढाउने विषयमा केन्द्रित हुनेछ । वार्ताका लागि चीनको नेशनल रेलवे अथोरिटीका डेपुटी एडमिनिस्ट्रेटरको नेतृत्वमा २३ सदस्यीय टोली सोमबार नै नेपाल आएको छ ।

नेपाली पक्षको टोलीको नेतृत्व भौतिक पूर्वाधार तथा यातायात मन्त्रालयका सचिवले गर्नेछन् । वार्ता भौतिक पूर्वाधार तथा यातायात मन्त्रालयमा हुनेछ ।

वार्ताले काठमाडौँ–केरुङ रेलमार्गको सम्भाव्यता अध्ययनका लागि आवश्यक प्रक्रियाको टुंगो लाउने जनाइएको छ । गएको असोजमा चिनियाँ राष्ट्रपति सी जिनपिङ्गको नेपाल भ्रमणको क्रममा काठमाडौँ–केरुङ रेलमार्गको सम्भाव्यता अध्ययन गर्ने सहमति बनेको थियो ।

प्राप्त प्रतिकृयाहरू

To Top