प्रदेश प्रमुखलाई पद तथा गोपनियताको शपथ

राजनीति कार्तिक १९ २०७६ ekhabarnepal
Pardesh parmukh

काठमाडौं, कात्तिक १९

राष्ट्रपति विद्यादेवी भण्डारीले सातै प्रदेशका नवनियुक्त प्रदेश प्रमुखलाई पद तथा गोपनियताको शपथ ग्रहण गराउनु भएको छ । राष्ट्रपति कार्यालय शितल निवासमा आयोजित एक विशेष कार्यक्रममा उहाले शपथ ग्रहण गराउनु भएको हो ।

समारोहमा उपराष्ट्रपति नन्दकिशोर पुन, प्रधानमन्त्री केपी शर्मा ओली, प्रधानन्यायाधिश चोलेन्द्र शमशेर जबरा, राष्ट्रिय सभाका अध्यक्ष लगायतका विशिष्ठ व्यक्तिको सहभागीता रहेको थियो । स्रोतका अनुसार सातै प्रदेश प्रमुखले आजै आआफ्नो प्रदेशमा गएर कार्यभार सम्हाल्ने तयारीमा हुनुहुन्छ । सोमबार बसेको मन्त्रिपरिषद बैठकले सिफारिस गरेका प्रदेश प्रमुखहरुलाई राष्ट्रपति विद्यादेवी भण्डारीले संविधानको धारा १६३ को उपधारा २ बमोजिम नियुक्त गर्नुभएको थियो ।


नियुक्त भएका प्रदेश प्रमुखमा सोमनाथ अधिकारी प्यासी — प्रदेश १, तिलक परियार—प्रदेश २, विष्णु प्रसाईं—प्रदेश ३, अमिक शेरचन—गण्डकी प्रदेश, धर्मनाथ यादव—प्रदेश ५, गोविन्द कनौली —कर्णाली प्रदेश र शर्मिलादेवी पन्त सुदूर पश्चिम प्रदेश रहनु भएको छ ।

प्राप्त प्रतिकृयाहरू

To Top