महराको प्रकरण : मानवअधिकार आयोगको उच्चस्तरीय अनुगमन टोली 

समाज असोज १७ २०७६ ekhabarnepal
Nhrc

काठमाडौं,असोज १७ । राष्ट्रिय मानवअधिकार आयोगले बलात्कारको आरोप लागेका तत्कालीन सभामुख कृष्णबहादुर महराको घटना अनुगमन गर्न उच्चस्तरीय टोली गठन गरेको छ । 

१२ असोज राति संसद् सचिवालयमा कार्यरत महिला कर्मचारीको कोठामा उनीमाथि बलात्कार भएको भनिएको घटनाको अनुगमन गर्न आयोगले आज तीन सदस्यीय अनुगमन टोली गठन गरेको हो । 

आयोगले सो घटना सम्बन्धमा  शुरूदेखि नै सञ्चारमाध्यममा आएका सूचनाको अनुगमन गरिरहेको उल्लेख गर्दै विस्तृत अनुगमन गर्न टोली गठन गरेको जनाएको छ । 

आयोगले जारी गरेको विज्ञप्तिमा घटनाको अनुसन्धानका लागि नेपाल प्रहरीले हालसम्म गरेका कामकारबाहीबारे जानकारी गराउन पत्राचार गरेको उल्लेख छ । 

त्यसैगरी, पीडित महिला र घटनाको समाचार पहिलोपटक सार्वजनिक गर्ने पत्रकारको सुरक्षाको विषयमा पनि आयोगले चासो देखाएको छ ।  

प्राप्त प्रतिकृयाहरू

To Top