सांसद पहारीद्धारा 'आफनो तलब सामाजिक कार्यमा सहयोग'

राजनीति पौष २२ २०७५ ekhabarnepal
897908790

काठमाडौ पुस २२,  
 गण्डकी प्रदेशसभाका सदस्य राजीव पहारीले संसद् सचिवालयबाट आफूले प्राप्त गरेको तलबभत्ता सामाजिक कार्यमा सहयोग गर्नुभएको छ । प्रदेशसभा सदस्यमा निर्वाचित भएर २०७४ माघ ७ गते शपथ लिएसँगै त्यसबेलादेखि मङ्सिर मसान्तसम्मको तलबभत्तावापतको  चार लाख ५० हजार रुपैयाँ विभिन्न सङ्घसंस्था, विद्यालय, क्लब तथा आमा समूहलाई प्रदान गरेको सांसद पहारीले बताउनुभयो ।

उहाँले कास्कीकोट थुन्सेडाँडामा खानेपानी पाइपका लागि  ६० हजार रुपैयाँ, फेवाताल संरक्षणका लागि वडा विकास समिति–६ लाई  ८० हजार रुपैयाँ, बलात्कारपछि हत्या गरिएकी बालिका श्रीया सुनारको परिवारलाई र १० हजार रुपैयाँ, विभिन्न आमा समूहलाई र ४० हजार रुपैयाँ र कास्की खेलाडी सङ्घलाई  २३ हजार रुपैयाँ बराबरको युरोगार्ड सहयोग गरेको जानकारी दिनुभयो ।

पहारीले आफ्नो निर्वाचन क्षेत्रका सिद्ध आधारभूत विद्यालय लुम्ले, ज्ञानोदय आधारभूत विद्यालय अन्नपूर्ण–६, जनसिद्ध आधारभूत हर्पन, सिद्धबराह मावि ठूलाखेत, हिमालय मावि तोल्का, धर्मस्थली आधारभूत विद्यालय पोखरा–५, सिर्जना सामुदायिक विद्यालय अन्नपूर्ण–१, धारापानी विद्यालय पाउँदुर र प्रगतिशील मावि सल्यानलाई पिउने पानीका लागि एक÷एक थान युरोगार्ड प्रदान गर्नुभएको छ ।आगामी दिनमा पनि तलबभत्ता सामाजिक कार्यमै खर्चिने पहारीले बताउनुभयो । 

प्राप्त प्रतिकृयाहरू

To Top