१६ दिनदेखि बेपत्ता वडाध्यक्षको खोजी गर्न माग

समाज पौष १८ २०७५ ekhabarnepal
52288531bhusal


रुपन्देही, पुस १८ गते । अर्घाखाँचीको मालारानी गाउँपालिकाका वडाध्यक्ष बेपत्ता भएपछि उनको खोजी गरिदिन परिवारले आग्रह गरेका छन् । बुटवलमा पत्रकार सम्मेलन गरी १६ दिनदेखि बेपत्ता हुनुभएका मालारानी–२ का वडाध्यक्ष विनोद भनिने विष्णु भुसालको खोजी गरी सार्वजनिक गर्न परिवारजनले आग्रह गरेका छन्् ।
 २ पुसमा सन्धिखर्क जान भनी लु १ ब १७४५ नम्बरको मोटरसाइकल लिएर घरबाट हिँडेका भुसाल त्यसपछि सम्पर्कमा छैनन् ।

सन्धीखर्कमा काम छ भनी घरबाट हिँड्नु भएका भुसालको अहिलेसम्म कुनै खबर नआएको दाजु जीवलाल भुसालले बताउनुभयो । भाइ हराएपछि पुस ४ गते प्रशासनमा निवेदन दिए पनि अहिलेसम्म कुनै पहल नभएको उहाँले गुनोसो गर्नुभयो ।

‘‘अर्घाखाँची सदरमुकाम जान्छु भनेर पुस २ गते बिहान घरबाट निस्केको थिए,’’ दाजु विष्णुले भन्नुभयो, “सन्धिखर्क गुन्टेखोलास्थित मोटरसाइकल ग्यारेजमा मोटरसाइकल मर्मत गर्न दिएर कपिलवस्तुको गोरूसिङ्गे जान्छु भनेर हिँडेको जानकारी भयो । तर अहिलेसम्म उनको अवस्था अज्ञात छ ।”

उहाँका अनुसार फोन गर्दा उनको मोबाइल कपिलवस्तु वनगाईमा बसका चालकले उठाए । चालकले गाडीमा मोबाइल खसाएको भनेर जानकारी गराएका थिए । ४१ वर्षीया विनोद तत्कालीन एमालेबाट वडाध्यक्षमा निर्वाचित हुनुभएको थियो ।
 
 गाउँपालिकाका अध्यक्ष बालकृष्ण आचार्यले बेपत्ता वडाध्यक्ष भुसालको खोजीमा सहयोग गर्न आग्रह गरेका हुन् । वडाध्यक्ष भुसालका श्रीमती, एक छोरा र छोरी छन् । 

प्राप्त प्रतिकृयाहरू

To Top