अमेरिकामा ७.० म्याग्निच्यूडको भूकम्प: चिराचिरा परे राजमार्गहरु

विश्व मंसिर १५ २०७५ ekhabarnepal
769057309579

एजेन्सी मङसिर १५, 
अमेरिकाको अलास्कामा ७.० म्याग्निच्यूडको भूकम्प गएको छ । अमेरिकी भूगर्भ विभागका अनुसार अलास्का राज्यको सबैभन्दा ठूलो शहर एकोंरेजको ११ किलोमिटर उत्तरलाई केन्द्रबिन्दु बनाएर भूकम्प गएको हो ।

भूकम्पपछि थुप्रै पराकम्पहरु गएको अमेरिकी भूगर्भ विभागले जनाएको छ । भूकम्पबाट ठूलो भौतिक क्षति भए पनि मानवीय क्षति भने भएको खबर छैन । भूगर्भ विभागले पराकम्पहरु अझै ठूलो संख्यामा आउन सक्ने भन्दै नागरिकलाई सुरक्षित रहन आग्रह गरेको छ ।अहिलेसम्म ४० वटा पराकम्प आइसकेको छ भने १० वटा पराकम्प ४.० म्याग्निच्यूडभन्दा माथिका छन् । ३ वटा पराकम्प ५.० म्याग्निच्यूडभन्दा माथिको रहेको अलास्का अर्थक्वेक सेन्टरले जनाएको छ ।भूकम्पका कारण घरहरु केही भत्किएका छन् । राजमार्गहरु चिराचिरा परेका छन् । त्यस्तै भूकम्पसगै सुनामी आउने खतरा रहेको भन्दै अधिकारीहरुले सतर्क रहन आग्रह गरेका छन् । 

प्राप्त प्रतिकृयाहरू

To Top