नवौं राष्ट्रिय बहिरा क्रिकेट प्रतियोगिता: रुपन्देही बन्यो उपविजेता

खेल जेठ २१ २०७५ ekhabarnepal
Bahira cricket

नेपालगन्ज जेठ २०,  
 नवौं राष्ट्रिय बहिरा क्रिकेट प्रतियोगिताको उपाधीमाथि धरानले कब्जा जमाएको छ । बाँके कोहलपुरमा आईतबार सम्पन्न भएको फाइनल खेलमा रुपन्देहीलाई ५ विकेटले हराउँदै धरान उपाधि जित्न सफल भएको हो ।बिजेता धरानले ट्रफि सहित ५० हजार नगद हात पा¥यो । कोहलपुरको प्रस्तावित अन्तर्राष्ट्रिय क्रिकेट मैदानमा राष्ट्रिय बहिरा क्रिकेट संघ नेपालको आयोजना र बाँके बहिरा क्रिकेट संघको आथित्यतामा प्रतियोगिता भएको थियो ।

टस हारेर ब्याटिङ गरेको रुपन्देहीले ११.२ ओभरमा सम्पूर्ण विकेटको क्षतिमा ६८ रन बनाएको थियो । ६८ रनको विजय लक्ष्य लिएको धरानले १८.२ बलमा ५ विकेटको क्षतिमा ६८ रन बनाउँदै विजय भएको हो ।फाईन खेलको म्यान अफ दि म्याच धरानका विवेक चन्द राई घोषित भएको थिए । साथै प्रतियोगिताको उपविजेता बनेको रुपन्देहिले ४० हजार नगद राशि सहित मेडल पाएको थियो ।

त्यस्तै गरी प्रतियोगिता अवधि भर उत्कृष्ट खेलाडि तर्फ धरानका विवेक चन्द राई, उत्कष्ट ब्याटिङ्ग तर्फ झापाका ताक्नुहाक्न पालुग्वा र उत्कृष्ट बलिङ्गतर्फ रुपन्देहीका रोशन थापा घोषित भएका छन् ।प्रतियोगिताबाट छनौट भएका १५ जना खेलाडिले अक्टोबर १२ देखि २४ गतेसम्म श्रीलंकामा हुने विश्व कप बहिरा क्रिकेट प्रतियोगितामा भाग लिने आयोजकले जनाएको छ । प्रतियोगितामा बाँके, काठमाण्डौं, रुपन्देही, काँस्की, सुनसरी, धरान र झापा जिल्लाबाट सहभागिता जनाएका थिए ।

प्राप्त प्रतिकृयाहरू

To Top