तपाईंको आजको राशिफल/वि.सं. २०७५ साल जेठ १९ गते, शनिबार।

धार्मिक जेठ १९ २०७५ ekhabarnepal
Maxresdefault

वि.सं. २०७५ साल जेठ १९ गते। शनिबार। इश्वी सन् २०१८ जुन २ तारिख। नेपाल संवत् ११३८ अनलागा। अधिक ज्येष्ठ कृष्णपक्ष। तिथि– चतुर्थी, 

मेष - (चु, चे, चो, ला, लि, लु, ले, लो, अ )
भाग्यले राम्रै अवसर दिलाउनेछ। चुनौतीहरू स्वतः हट्नेछन् भने अवसर तथा सफलताले पछ्याउनेछन्। टाढिएका मित्रगण नजिकिनाले प्रसन्नता मिल्नेछ। सामाजिक काममा रुचि बढ्नेछ। आवश्यक पर्दा सहयोगीहरूको साथ पाइनेछ। अभाव हट्नुका साथै दाम, नाम र इनाम प्राप्त हुनेछ। धार्मिक अनुष्ठान र सेवामूलक कामले प्रतिष्ठा दिलाउनेछ।

बृष -( इ, उ, ए, ओ, बा, बि, बु, बे, बो) 
चिताएको काम बिग्रनाले आर्थिक क्रियाकलापमा बाधा पुग्न सक्छ। गोपनीयता बाहिरिनाले लक्ष्यमा पुग्न अप्ठ्यारो पर्नेछ। तापनि रोकिएको काममा दोहोर्याएर प्रयत्न गर्नुहोला। शुभचिन्तकहरूको साथ जुट्नाले पछि फाइदा हुने काम प्रारम्भ गर्न सकिनेछ। तत्काल उपलब्धि प्राप्त नभए पनि सम्भावना खोजी गर्ने समय छ। अपराह्नतिर केही काम बन्नेछन्। 

मिथुन - (का, कि, कु, घ, ङ, छ, के, को, ह )
वादविवादबाट टाढा रहनुहोला, दिन रमाइलो रहनेछ। प्रेम र मित्रताको बन्धन कसिलो हुनेछ। व्यवसायमा आम्दानी बढ्नेछ।भौतिक साधनले जीवनशैलीमा परिवर्तन ल्याउन सक्छ। रमाइलो यात्राका बीच अतिथिका रूपमा सत्कार पाइनेछ। साथीभाइको सहयोगले नयाँ काम सुरु गर्न सकिनेछ। साँझतिर स्वास्थ्य कमजोर हुनाले लक्ष्यमा पुग्न समस्या पर्नेछ। 

कर्कट - (हि, हु, हे, हो, डा, डि, डु, डे, डो) 
पुरुषार्थले समाजमा स्थापित बनाउन सक्छ। रोकिएका काम बन्नाले मनग्गे लाभ हुनेछ। चुनौती पन्छाएर काम बनाउन सकिनेछ। प्रतिस्पर्धा, विवाद तथा मुद्दाहरूमा आफ्नो पक्ष बलियो रहनेछ। भविष्यका लागि विशेष काममा जग बसाउने मौका छ। साँझतिर प्रियजनसँग रमाइलो भेटघाट हुनेछ। रमाइलो यात्राका बीच अतिथिको रूपमा सत्कार प्राप्त हुनेछ।

सिंह - (मा, मि, मु, मे, मो, टा, टि, टु, टे) 
परिवेश उल्लासमय रहनुका साथै जीवनशैलीमा परिवर्तन आउनेछ। प्रतिष्ठित काम गर्दै नाम र दाम कमाउने बेला छ। बिछोडिएका आफन्तसँग भेटघाट हुनेछ। तर लोकाचारले खर्च बढाउन सक्छ। साँझतिर पुरुषार्थी काम सम्पादन गर्न सफल भइनेछ। सुमधुर सम्बन्धका लागि विशेष ध्यान पुर्याउनुहोला। स्वास्थ्यका लागि खानपानमा सजग रहनुपर्नेछ।

कन्या - (टो, प, पि, पु, ष, ण, ठ, पे, पो) 
हिस्सेदारसँग असमझदारी बढ्नाले पहिलेको सम्झौता भंग हुन सक्छ। स्थायी सम्पत्तिमा पनि विवाद आउन सक्छ। तर प्रयत्न गर्दा राम्रै अवसर जुट्नेछ। काममा मिहिनेतको फल प्राप्त हुनेछ। साथीभाइले राम्रै सहयोग जुटाउनेछन्। रोकिएका काम पुनः सुरु हुन सक्छन्। साँझदेखि अध्ययनमा ध्यान केन्द्रित नहुने हुँदा गुरुजनको मार्गदर्शन उपयोगी हुन सक्छ। 

तुला - (र, रि, रु, रे, रो, ता, ति, तु, ते) दाजुभाइमा आत्मीयता बढ्नेछ भने प्रेम र मित्रताको बन्धनसमेत कसिलो हुनेछ। लगानी गर्दा व्यवसायमा मनग्गे धनलाभ हुनेछ। मिहिनेतले दिगो फाइदा दिलाउन सक्छ। पहिलेका प्रतिस्पर्धीहरू सहयोगीका रूपमा देखा पर्नेछन्। साँझतिर आफन्तमा वैरभाव बढ्न सक्छ। चिताएका काम समयमा गर्न नसकिएला। नातेदारबाट अलि सजग रहनुपर्ने बेला छ। 

बृश्चिक - (तो, ना, नि, नु, ने, नो, या, यि, यु )
अध्ययनमा प्रगति हुनेछ भने ज्ञानलाई निखार्ने अवसर प्राप्त हुनेछ। सुखद् समाचारले उत्साह जगाउनेछ। आम्दानीका स्रोत बढ्नुका साथै दिगो फाइदा हुने काममा सम्झौता गर्ने समय छ। नयाँ काम प्रारम्भ हुनेछ। मिहिनेतले सम्मानित स्थान दिलाउन सक्छ। बोलीको प्रभावले आर्थिक क्रियाकलापमा फाइदा हुनेछ। नयाँ योजना कार्यान्वयन गर्न केही मिहिनेत गर्नुपर्ला। 

धनु -( ये, यो, भ, भि, भु, ध, फा, ढ, भे )
राम्रो सुरुवात हुनुका साथै चिताएको काम सम्पादन हुनेछ। रमाइलो जमघटका बीच स्वादिष्ट भोजनको आनन्द प्राप्त हुनेछ। पहिलेको सफलताले थप हौसला जगाउनेछ। नयाँ कामको प्रस्ताव आउनेछ भने सहयोगीहरू प्रशस्तै भेटिनेछन्। बिछोडिएका परिवारजनसँग भेटघाट हुनेछ। लगनशीलताले मात्र संकल्प पूरा गर्न सकिनेछ। बोली-व्यवहारमा सजग रहनुहोला।

मकर - (भो, ज, जि, खि, खु, खे, खो, गा, गि )
समयमा होस नपुग्नाले खर्च बढ्नेछ। खर्च लागे पनि सामान्य उपलब्धि प्राप्त हुनेछ। टाढाका साथीभाइसँग सम्पर्क बढ्नेछ। यात्रा गर्ने प्रक्रिया अघि बढ्न सक्छ। अवसरका लागि केही दौडधुप गर्नुपर्ला। तापनि सद्विचारले अभिप्रेरित हुनेहरूलाई फाइदा हुनेछ। साँझतिर पारिवारिक भेटघाटले खुसियाली छाउनेछ। भौतिक साधनले जीवनशैलीमा परिवर्तन ल्याउनेछ।

कुम्भ -( गु, गे, गो, सा, सि, सु, से, सो, द) 
आम्दानीका नयाँ स्रोत फेला पर्नेछन्। पढाइमा प्रगति हुनेछ भने नयाँ ज्ञान प्राप्त हुने योग छ। कर्मफलले मन प्रसन्न रहनेछ। मिहिनेतले राम्रो उपलब्धि दिलाउनेछ भने जीवनशैलीमा परिवर्तन आउनेछ। तर पछिका लागि केही वस्तु त्याग्नुपर्ने हुन सक्छ। सरसापटमा पनि साँझतिर केही धन बाहिरिन सक्छ। मिहिनेतको प्रतिफल जोगाउन अलि चनाखो रहनुपर्नेछ।

मीन -( दि, दु, थ, झ, ञ, दे, दो, च, चि )
चिताएको काम छिटै सम्पादन हुनेछ। सहयोगीहरूले हिम्मत दिलाउनेछन्। व्यापारमा पनि प्रशस्त फाइदा हुनेछ। आफ्नो क्षेत्रमा राम्रै प्रभाव जमाउन सकिनेछ। दाम र प्रतिष्ठा कमाउने बेला छ। सामाजिक दायित्व बढ्नेछ। भूमि, वाहन र पैत्रिक सम्पत्तिबाट लाभ मिल्नेछ। कीर्तिमानी काम गर्ने समय छ। विभिन्न पक्षबाट फाइदा उठाउन सकिनेछ।

प्राप्त प्रतिकृयाहरू

To Top