१३ खर्ब १५ अर्बको समाजवाद उन्मुख बजेट

अर्थ जेठ १६ २०७५ ekhabarnepal
Budget

 

काठमाडौँ,जेष्ठ १५
 अर्थमन्त्री डा. युवराज खतिवडाले यस आर्थिक वर्ष २०७४/२०७५ का लागि १३ खर्ब १५ अर्बको बजेट प्रस्तुत गरेका छन्।

बजेटको करिब ६० प्रतिशत हिस्सा चालु खर्चमा छुट्टयाइएको छ।

कर्मचारीको महंगी भत्ता वृद्धि गरिएको छ भने विदेशबाट सय ग्रामसम्म काँचो सुन ल्याउन पाइने व्यवस्था गरिएको छ।

हतारमा बजेट प्रस्तुत गरेका अर्थमन्त्रीले पश्चिम सेती नेपालले नै बनाउने घोषणा पनि बजेटमार्फत गरेका छन्।

 
समाजवाद उन्मुख बजेट
 सरकारले आगामी आर्थिक वर्षका लागि समाजवाद उन्मुख उद्देश्यसहितको बजेट प्रस्तुत गरेको छ । 

संघीय संसद्को आज बसेको संयुक्त बैठकमा अर्थमन्त्री डा युवराज खतिवडाले गरिबी र पछौटेपनको अन्त्य गर्दै संविधानमा उल्लेख गरिएका नागरिकको मौलिक हकलाई सुरक्षित हुने गरी बजेट तयार गरिएको जानकारी दिनुभयो । 
भौतिक पूर्वाधारको विकास, ऊर्जा, सिंचाई क्षेत्रलाई बजेटमा विशेष प्राथमिकता दिइएको छ । यस्तै सरकारले प्रधानमन्त्री रोजगार कार्यक्रम अगाडि सारेको छ । 
बजेटले ग्रामीण दूरसञ्चार कोषको रकम प्रयोग गरेर सबै विद्यालयमा इन्टरनेट सेवा उपलब्ध गराउने व्यवस्था गरेको छ । त्यसैगरी आगामी दुई वर्षभित्र साक्षर नेपाल घोषणा गर्ने लक्ष्य राखिएको छ । 
मदन भण्डारी विज्ञान तथा प्रविधि प्रज्ञा प्रतिष्ठान स्थापना गर्ने, सातवटै प्रदेशबाट श्रम स्वीकृतिका लागि आवश्यक कार्यालयको व्यवस्था गरिने भएको छ । 
शिक्षा विज्ञान प्रविधिको क्षेत्रमा रु एक खर्ब ३४ अर्ब बजेट विनियोजन गरिएको छ । यस्तै विद्यार्थीलाई पाँच प्रतिशत व्याजमा रु सात लाखसम्मको शैक्षिक ऋण दिने कार्यक्रम समेत बजेटमा समावेश छ ।   

प्राप्त प्रतिकृयाहरू

To Top