भ्रष्ट्राचार नगर्न हुन नदिन ओली प्रचण्डको निर्देशन 

राजनीति जेठ ११ २०७५ ekhabarnepal
Baithak nekpa


एनजिओको बहकावमा लागेर माग नउठाउन ओलीको निर्देशन

काठमाडौं, जेठ १०


प्रधामन्त्री एवम् नेपाल कम्युनिष्ट पार्टीका अध्यक्ष केपी शर्मा ओलीले एनजिओको बहकावमा लागेर केन्द्रीय समितिमा ३३ प्रतिशत महिला सहभागिताको माग नउठाउन केन्द्रीय सदस्यहरुलाई निर्देशन दिएका छन्।

बालुवाटारमा बसेको पार्टीको केन्द्रीय समिति बैठकमा ओलीले दुई पार्टीको केन्द्रीय समिति मिलाउनु परेका कारण ३३ प्रतिशत नपुग्ने बताए।

‘कसैको बहकावमा लागेर जानुहुन्न’, ओलीले बैठकमा भने, ‘महिलाहरुलाई एनजिओहरुले ३३ प्रतिशत हुनुपर्छ अथवा यति प्रतिशत हुनुपर्छ भन्दिन सक्छन्। दुई वटा केन्द्रीय समिति मिलाउँदा ३३ प्रतिशत नभएको हुनसक्छ। हामीले धेरै छलफल गरेर गरेका छौँ। एनजिओलाई ट्याउँ ट्याउँ बोलिदिएको भरमा पुग्छ। हामीले काम गर्नुपर्छ।’

ओलीले केन्द्रीय समितिमा महिलाको सहभागिताको विषयमा पार्टी नेतृत्वमा छलफल भएको समेत बताए। ‘महाधिवेशन पछि कोर्स फरक हुन्छ’, ओलीको भनाई थियो।

हाल नेपाल कम्युनिष्ट पार्टीको ४ सय ४१ सदस्यीय केन्द्रीय समितिमा ७७ मात्र महिला रहेका छन्। जुन १७ प्रतिशत हाराहारी हुन आउँछ। 
 राजनीतिक दलसम्बन्धी ऐनको दफा १५ को ४ मा ‘दलको सबै तहको समितिमा एक तिहाइ महिला सदस्य हुने व्यवस्था गर्नुपर्ने’ प्रावधान छ।

‘हामीले थाहा नपाएर यो गरेका हैनौँ’, ओलीको भनाई उदृत गर्दै एक केन्द्रीय सदस्यले भने, ‘हामीलाई सबै जानकारी छ। समयक्रममा मिलाउँछौँ भन्नुभयो।’

बैठकमा प्रचण्डले भने केन्द्रीय समितिमा महिलाको सहभागिताको विषयमा भने केही वोलेनन् ।

बैठकमा सहभागिता अघि नै सम्पूर्ण केन्द्रीय सदस्यहरुलाई नागरिकताको प्रतिलिपी लिएर आउन निर्देशन दिइएको थियो। केन्द्रीय समिति बैठकको अधिकाशं समय केन्द्रीय सदस्यहरुले ‘सक्कल बमोजिम नक्कल ठिक छ’ भनेर नागरिकताको प्रतिलिपी हस्ताक्षर गर्न खर्चिएका थिए।

‘नेताहरुले बोल्नुभयो’, एक केन्द्रीय सदस्यले भने, ‘हाम्रो समय त माइन्युटमा र नागरिकताको प्रतिलिपीमा हस्ताक्षर गर्दा सकियो।’

बैठकपछि नेकपाका प्रवक्ता नारायणकाजी श्रेष्ठले दुवै अध्यक्षले भ्रष्ट्राचार नगर्न हुन नदिन निर्देशन दिएको बताए।

बैठकमा अध्यक्ष पुष्पकमल दाहाल ‘प्रचण्ड’ले कम्युनिष्ट पार्टीहरु सत्तामा पुगेर स्खलित हुने चिन्ता ब्यक्त गरेका थिए। उनले पुल भत्काएर अगाडि बढेको कारण एकता सम्भव भएको उल्लेख गरेका थिए।

ओलीले भने सत्ता जितेर बिग्रने छुट नरहेको बताएका थिए।

‘सत्ता सञ्चालनका कारण बिग्रने हो भन्यो भने त सबैतिर बिग्रन्छौँ’, ओलीले भने, ‘स्थानीय, प्रदेश, संघ सबै तिर बिग्रिन्छौँ। हामी त सबैतिर सरकारमा छौँ। त्यसैले गरेर देखाउनुपर्छ।’

नेकपाका केन्द्रीय सदस्य सूर्य थापाले प्रधानमन्त्रीले सत्त्ताको उन्माद नियन्त्रण गर्नुपर्ने धारणा राखेको बताए।

‘जेल बस्दा भ्रष्ट्राचार गर्दिन भन्नुको के अर्थ हुन्छ, किनभने त्यहाँ एकमाना चामल अड्कलेर दिएको हुन्छ’, ओलीको भनाई उदृत गर्दै थापाले सेतोपाटीसँग भने, ‘जेलमा बस्दा नातावाद कृपावाद गर्दिन भनेर के गर्नु। आफूलाई भेट्न आएको मान्छेलाई पनि भेट्न दिदैँनथियो। हामी सत्तामा हुँदा उन्माद बढ्न सक्छ। त्यो खतराबाट जोगिनुपर्छ भन्नुभयो।’

‘दुवै अध्यक्षले तपाँइहरुको आँटमा समृद्ध नेपाल बनाउने हो भन्नुभयो’, नेकपाकी केन्द्रीय सदस्य विन्दा पाण्डले भनिन्, ‘हामी दुइवटाको पाखुरा ठूला भएर एकता गरौँ भनेका होइनौँ। तपाँइहरुको बलमा हो भन्नुभयो।’

प्राप्त प्रतिकृयाहरू

To Top