दिगो र बैज्ञानिक बन बिकासमा जोड

समाज बैशाख ३ २०७५ ekhabarnepal

सैनामैना बैशाख ३,

बन बिकासका लागि सामुदायिक बन उपभोक्ता समुहले बाटो कल्वट जस्ता बिकाश निर्माणका काम गरेको तर अझैँ पनि बन तस्करीलाई नियँन्त्रण गर्न नसकेकोले सैनामैनाका सामुदायिक बनमा सेना र प्रहरीको सहयोगमा बन तस्करी रोकिने बताउदै सबै सामुदायिक बनले नर्सरी बनाई फलफूल उत्पादनमा जोड दिदै आय आर्जन गर्नुपर्ने सुझाबका साथ  सैनामैना नगरस्तरिय सामुदायिक बन उपभोक्ता महासघं प्रथम अधिवेसनका प्रमुख अतिथी सैनामैना नगरपालिकाका प्रमुख चित्र बहादुर कार्कीले दिगो र बैज्ञानिक बन ब्यबस्थापनमा जोड दिएका छन् । त्यसैगरि सामुदायिक बन उपभोक्ता महासघंका केन्द्रिय सचिवालय सदस्य ठाकुर भण्डारीले जुनसुकै सरकारले सामुदायिक बनलाई हस्तक्षेप गरे प्रतिकारमा उत्रने जनाउदै स्थानिय सरकारलाई बलियो बनाउन आफूहरु लागेको बताएका छन् । साथै उनले सामुदायिक बनले सय प्रतिशत कर सरकारलाई बुझाउने गरेको उदाहरण दिदै ३५ प्रतिशत गरिब तथा निमुखा बर्गलाई २५ प्रतिशत बनबिकासमा ४० प्रतिशत बिकास निर्माणमा खर्च गरेको बताए ।

देश भरि १९७६१ सामुदायिक बन उपभोक्ता समूह रहेको र सैनामैनामा १७ ओटा समूह रहेको बताए । कार्यक्रममा जिल्ला महासघका अध्यक्ष मिना पाण्डे , सचिब दिननाथ आर्चाय लगायतले मन्तब्य राख्दै दिगो र बैज्ञानिक बन ब्यबस्थापनमा लाग्न समूहलाई आग्रह गरेका थिए ।  कार्यक्रम दिपक थापाको अध्यक्षता , लक्ष्मि रानाको स्वागत र लालमणि उपाध्यायको सञ्चालनमा भएको थियो । प्रथम अधिवेसनले नयाँ कार्यसमिती चयन गर्ने जनाइएको छ । 

 

प्राप्त प्रतिकृयाहरू

To Top