शनिबार जेलबाट रिहा भए सलमान खान 

मनोरञ्जन चैत्र २५ २०७४ ekhabarnepal
Salman khan

 

 चैत्र २५,
कृष्णसार (कालो हरिण) मारेको आरोपमा जेल गएका बलिउड अभिनेता सलमान खान शनिबार जेलबाट रिहा भएका छन् । सलमान मुम्बई पुग्ने बित्तिकै बलिउड अभिनेत्री कटरीना कैफ उनलाई भेट्न घरमै पुगेकी छिन् ।

भारतीय सञ्चार माध्यमका अनुसार सलमान शनिबार राति सवा आठ बजे मुम्बईमा रहेको घर (ग्यालेक्सी अपार्टमेन्ट) पुगेका थिए । त्यसको एक घण्टापछि कटरीना सलमानलाई भेट्न ग्यालेक्सी अपार्टमेन्ट पुगेकी थिइन् ।
उनीसँगै सलमानलाई भेट्न कटरिनाका अलावा डेजी शाह, मलाईका अरोडा, हुमा कुरेसी, ज्याकलिन फर्नान्डीज, बरुण धवन, बबी देवलसहितका कयौं बलिउडकर्मी सलमानलाई भेट्न पुगेका थिए ।

सलमान जेलबाट छुटेपछि  उनका फ्यानहरु पनि सलमानलाई निकै नै व्यग्र भएर उनको घर अगाडी कुरिरहेका थिए । सलमानले उनका शुभचिन्तक तथा फ्यानहरुलाई उनी बस्ने अपार्टमेन्टबाट अभिवादन गरेका थिए । सलमानका साथीहरुले उनको रिहाईमा खुसी मनाएका छन् ।
 

प्राप्त प्रतिकृयाहरू

To Top