प्रदेश ५ मा प्रदेश सभाको बैठक बस्दै :सरकारको नीति कार्यक्रम प्रस्तुत गरिने 

राजनीति चैत्र २५ २०७४ ekhabarnepal
684413454samsad bhawan in butwal 1832018064615 1000x0

बुटवल ।
प्रदेश नम्वर ५ को प्रदेश सभाको बैठक आज बस्दै छ । आज बस्ने बैठकमा प्रदेश सरकारको नीति कार्यक्रम प्रस्तुत हुने छ । आज दिउसो १ बजे बुटवल उद्योग बाणिज्य संघमा बस्ने बैठकमा प्रदेश प्रमुख उमाकान्त झाले सरकारको नीति कार्यक्रम प्रस्तुत गर्नुहुने छ ।
सरकारको नीति कार्यक्रम प्रस्तुत गर्न प्रदेश सरकारले अस्ति प्रदेश प्रमुख झा समक्ष अनुरोध गरीसकेको छ ।


प्रदेश सरकारले कृषि र पर्यटनलाई प्राथमिकतामा राखेर नीति कार्यक्रम बनाएको छ । मुख्यमन्त्रिको कार्यालयमा अस्ति बसेको मन्त्रिपरिषद बैठकले नीति कार्यक्रमलाई स्वीकृत गरीसकेको छ । पर्यटक आगमन र बसाई अवधि बढाउन बुद्ध जन्मस्थल लुम्बिनी तथा आसपासका पर्यटन केन्द्रमा भौतिक पूर्वाधार निर्माण र अन्न भण्डारका रुपमा रहेका तराईका जिल्लामा व्यवसायीक कार्यक्रम सञ्चालन गर्ने सरकारको मुख्य कार्यक्रम छ ।

सहकारीका माध्ययमबाट आर्थिक विकास गर्ने, प्राकृतिक प्रकोपको सामना गर्ने, मल बीउ लगायतका कृषि सामाग्रीमा अनुदान दिने कार्यक्रम समावेश छन् । तराईबाट पहाडी जिल्ला जोड्ने सिद्धार्थ राजमार्गको् सिद्वबाबा सडकको स्तरोन्नति, बाके र बर्दियामा सयौं बिगाह नदी कटान गर्ने राप्ती र बबई नदीको व्यवस्थापनलाई पनि नीति तथा कार्यक्रममा समेटिएको छ । संसदबाट नीति तथा कार्यक्रम पारित भएपछि चैत २९ गते बजेट प्रस्तुत हुनेछ ।

चालु आर्थिक वर्षका लागि संघले प्रदेशलाई एक अर्ब २ करोड ५ लाखको बजेट पठाएको थियो । त्यसको करिब ५० प्रतिशत रकम मन्त्रीहरुको सुबिधा र व्यवस्थापनमा खर्च हुनेछ ।

प्राप्त प्रतिकृयाहरू

To Top