काठमाडौंका यी ६ ठाँउमा निःशुल्क वाइफाई  दिने सम्झौता

समाज चैत्र १८ २०७४ ekhabarnepal
Wifi

काठमाडौं  ।

काठमाडौं महानगरपालीकाले विभिन्न ६ स्थानमा निःशुल्क वाइफाई सेवा दिने भएको छ ।त्यसका लागि इन्टरनेट सेवा प्रदायक कम्पनी वर्ल्ड लिंक कम्युनिकेशन र काठमाडौ महानगरविच निःशुल्क वाइफाईको सम्झौता भएको छ ।

नगरपालीकाको तर्फवाट प्रमूख प्रशासकीय अधिकृत धनिराम शर्मा र वर्ड लिङ्क कम्युनिकेसनकातर्फ बाट निर्देशक विजय कुमार जलानले करारमा हस्ताक्षर गरेका छन्।सम्झौता अनुसार अबको ६० दिन भित्र पशुपतीनाथ, बौद्ध, शंखपार्क, बालाजु बाइसधारा उद्यान, स्वयम्भु र बसन्तपुर हनुमान ढोका क्षेत्रमा वाइफाई सेवा सुरु हुनेछ। केही कारणबस समयमा काम पुरा नभए अन्य ३० दिन मात्र म्याद थप हुने सम्झौतामा उल्लेख छ।

वल्र्ड लिङ्क र महानगरबिच करारको अवधि ५ वर्षको छ । आवश्यक परे म्याद अवधी थप्न सकिने उल्लेख छ।त्यस्तै महानगरपालिकाले तोकेका अन्य स्थानमा पनि वल्र्ड लिङ्कले वाइफाई सेवा प्रदान गर्नुपर्नेछ त्यसो गर्न नसके महानगरले अरु सेवा प्रदायकसँग सहकार्य गर्ने करारमा उल्लेख गरीएको छ।

प्रयोगकर्ताको संख्या बृद्दी भएसँगै वल्र्ड लिङ्कले क्षमता पनि बढाउनु पर्ने सर्तमा उल्लेख छ।अहिले ६ ठाँउबाट सेवा सुरु गरेकोमा पछि क्रमश बढाउँदै लैजाने काठमाडौं महानगरपालीकाका मेयर विद्याशुन्दर शाक्यले बताए।

कार्यक्रममा बोल्दै वल्र्ड लिङ्क कम्युनिकेशनका निर्देशक विजय कुमार जलानले महानगरसँग सहकार्य गरेर अरु ठाँउमा पनि सेवा दिने इच्छा रहेको बताए।यो सेवा सुरु भएपछि प्रत्येक सेवाग्राहीले एक दिनमा ३० मिनेट निःशुल्क सेवा पाउनेछन् । वाइफाइ अन गरेपछि स्वतः कनेक्ट हुने गरी व्यवस्था मिलाइनेछ ।

वाइफाइ जडान सम्बन्धी गरिएको अध्ययन अनुसार एक पटकमा वाइफाइका प्रयोगकर्ताको न्युनतम संख्यालाई आधार मानेर हरेक स्थानमा १० एमविपिएस व्याण्डविथ क्षमताको सेवा जडान हुनेछ ।जसमा पशुपति क्षेत्रमा एक्सेस प्वाइन्ट ११ वटा हुनेछन् भने बौद्धमा ४ वटा, शंखपार्कमा २ वटा, वालाजु वाइसधारा उद्यानमा ७ वटा, स्वयम्भूमा ५ वटा र वसन्तपुरमा ९ वटा प्वाइन्ट हुनेछन् ।

प्रयोगकर्ताको दृष्टिले पशुपति क्षेत्रमा एक पटकमा २०० देखि ७०० जनासम्मले वाइफाइ प्रयोग गर्ने अध्ययनले देखाएको छ भने बौद्धमा २५० जनादेखि ५०० जना, शंखपार्कमा ५० देखि २०० जना, बालाजुमा २०० देखि ७०० जना, स्वयम्भूमा २०० देखि ३०० जना, बसन्तपुरमा २०० देखि ३०० जनासम्मले सेवा लिनेछन् ।

प्राप्त प्रतिकृयाहरू

To Top