किम जोङ र राष्ट्रपति सी जिनपिङ बीच बेइजिङमा भेटवार्ता 

विश्व चैत्र १४ २०७४ ekhabarnepal
Xi un meet at beijing8512

 

काठमाडौं चैत्र १४, 

उत्तर कोरियाका नेता किम जोङ उनले बेइजिङमा चिनियाँ राष्ट्रपति सी जिनपिङसँग भेटवार्ता गरेका छन् । चिनियाँ संचारमाध्यमले नेता किमको चीन भ्रमण पुष्टी गर्दै ऐतिहासिक भएको जनाएका हुन् । यसअघि भ्रमणवारे अनुमानमात्र गरिएको थियो ।  

चिनियाँ राष्ट्रपति सीको निमन्त्रणामा नेता उन बेइजिङ पुगेका हुन् । उनको आइतबारबाट शुरु चार दिने भ्रमणलाई चिनियाँ संचारमाध्यमले अनौपचारिक भ्रमण भएको बताएका छन् । चिनियाँ समाचार एजेन्सी सिन्ह्वाका अनुसार, दुई नेताबीच ग्रेट हल अफ द पिपुलमा वार्ता भएको थियो । यो नेता किमको पहिलो चीन भ्रमण हो । ‘यो भ्रमणलाई म उच्च महत्व दिन्छु’ सीले किमलाई स्वागत गर्दै भने ।

एक अर्काको प्रशंसा र बधाई साटासाटपछि बिभिन्न बिषयमा वार्ता भएको थियो । कोरियाली प्रायद्धिपमा विकसित घटनाक्रमका वारेमा व्यक्तिगत रुपमा पनि जानकारी गराउन आफूले चाहेको नेता उनले बताएका थिए । उत्तर कोरियाली किम शासक र चीनबीचमा सौहाद्रपूर्ण सम्बन्ध रहँदै आएको छ भने दुईबीच कतिपय मुद्दामा रणनीतिक साझेदारिता पनि छ । 

चीन र उत्तर कोरियाको परम्परागत र सुदृढ सम्वन्धमा एउटा कुनै घटनाले बदलाव ल्याउन नसक्ने भन्दै राष्ट्रपति सीले द्धिपक्षीय सम्वन्ध थप वलियो बनाइने बताए । ‘हामी उत्तर कोरियाली कमरेडहरुसँग चीन र उत्तर कोरियाबीचको दिगो र स्थायी विकास र क्षेत्रीय शान्ति, स्थायित्वका लागि मिलेर काम गर्न तयार छौं’ राष्ट्रपति सीले भने । 

राष्ट्रपति सीले चार प्रस्ताव किमसँग राखेको पनि समाचारमा जनाइएको छ । त्यसमध्ये एक शान्तिपूर्ण विकास हो भन्दै चिनियाँ बिशेषतासहितको समाजवाद र उत्तर कोरियाको समाजवादी निर्माण नयाँ ऐतिहासिक चरणमा प्रवेश गरेकाले त्यसमा सहकार्य अघि बढ्न सकिने जनाइएको छ । नेता किमले आफू सीबाट उत्साहित भएको भन्दै दुई देशबीचको सम्वन्धलाई कसैले हल्लाउन नसक्ने बताए ।

प्राप्त प्रतिकृयाहरू

To Top