समाचार / राजनीति

'कानुनबारे केही अलमल भए डा केसीसँग बुझे हुन्छ' - केपी ओली

पौष २६ २०७४     ekhabarnepal
Oli 1 300x225

काठमाडौं पुस २६,

नेकपा एमालेका अध्यक्ष केपी ओलीले निर्वाचन आयोग ब्ल्याकमेलिङको सिकार भएको बताएका छन्।

कानुनी जटिलता देखाएर प्रतिनिधिसभा समानुपातिकतर्फको मतपरिणाम सार्वजनिक गर्न ढिलाइ गरेकोमा उनले आयोगप्रति आक्रोश व्यक्त गरे। 'निर्वाचन आयोगले कानुनी जटिलता देखाएर सरकार गठनको बाटो अवरुद्ध पारेको छ,' उनले भने, 'कानुनबारे केही अलमल भए डा गोविन्द केसीसँग बुझे हुन्छ। उहाँ हिजोआज अदालतसँगै भिडिरहनुभएको छ। अहिले उहाँले धेरै कुरा भटाभट भनिरहनुभएको छ।' के के भने त्यो अदालतले पनि बुझ्ला, जान्ला ।’

थाई एयरवेजको नियमित उडानबाट आज बैंकक उड्नुअघि त्रिभुवन अन्तर्राष्ट्रिय विमानस्थलमा पत्रकारसँग बोल्दै उनले दुई सातामै माओवादीसँग एकता हुनेसमेत बताए।मिर्गौला प्रत्यारोपणपछि नियमित स्वास्थ्य जाँचका लागि उनी बैंकक जाने गरेका छन्। उनले त्यहाँको वुङरुगाड अस्पतालमा उपचार गराउनेछन्।

0 प्रतिकृयाहरू प्राप्त

To Top