समाचार / समाज

सुन तस्करी नियन्त्रण गर्न नसकेकोमा सांसदहरुको आक्रोश

भाद्र २५ २०७४     .
Gold

काठमाडौं, भदौ २५–सांसदहरुले सुन तस्करी नियन्त्रण गर्न नसकेकोमा सरकारको चर्को आलोचना गरेका छन् ।

प्रमुख प्रतिपक्ष नेकपा एमालेका सांसद हर्कबोल राईले सुन तस्करीमा माथिल्लो निकायकै संलग्नता रहने गरेकाले सरकार डराईरहेको आरोप समेत लगाए ।
 व्यवस्थापिका संसद अन्तरगतको सुशासन तथा अनुगमन समितिको आईतबारको बैठकमा बोल्दै उनले  सुन तस्करी नियन्त्रण गर्न सरकार र सुरक्षा निकाय गम्भिर नदेखिएकोमा आपत्ति पनि जनाए ।

राष्ट्रिय जनता पार्टी, नेपालका सांसद अकवाल अहमद साहले मुलुकलाई सुशासन दिन सरकार पूर्णतः असफल भएको आरोप लगाए ।
उनले सुन तस्करी नियन्त्रण गर्ने विषयमा सरकार गम्भिर नदेखिएको आरोप लगाए ।
 सांसद साहले सुन तस्करी नियन्त्रणका लागि भन्सार र सुरक्षा निकायबीच आवश्यक समन्वयन गराउन पनि सरकारलाई सचेत गराए ।

नेपाल परिवार दलकी सांसद मिलन राजवंशीले ठूल्ठूला नाकाबाट सुन तस्करी हुँदा समेत त्यसलाई नियन्त्रण गर्न सरकार गम्भिर नदेखिएको आरोप लगाए । उनले सीमा नाकामा कडा चेकजाँचको व्यवस्था गरी सुन तस्करी नियन्यण गर्न पनि सरकारसँग माग गरे ।

पछिल्लो पटक गत सोमबार काठमाडौंको क्षेत्रपाटीबाट ८८ अबैध सुन बरामद भएको थियो । सांसदहरुले सोही घटनामा संलग्न तस्करहरुलाई नियन्त्रण लिई कार्वाही गर्न सरकारलाई दवाव दिँदै आएका छन् ।  

 

0 प्रतिकृयाहरू प्राप्त

To Top