समाचार / शिक्षा

रैनादेवी इन्टरनेशनलको शैक्षिकमूलक तीज मिलन

भाद्र ४ २०७४     .
Rr1

बुटवल, भदौ ४।  रैनादेवी  इन्टरनेश्नल एजुकेशन  प्रा.लि . बुटवलले शैक्षिकमूलक तीज मिलन कार्यक्रम  सम्पन्न गरेको छ ।  विगतका वर्ष मा झै यस वर्ष पनि बिद्यार्थीहरुका बिचमा आत्मियता र भाइचाराको सम्बन्ध बिस्तारका लागी कार्यक्रमको आयोजना गरिएकोे  रैनादेवी इन्टरनेश्नल एजुकेशन  प्रा.लिका प्रबन्ध निर्देशक तिलकराम पाण्डेले जानकारी दिनुभयो । 

तीज मिलन कार्यक्रममा पूर्व सभासद  रामचन्द्र भट्टराईले  तीज पर्वको मौलिक संस्कृतिको रक्षा गर्नु सबैको दायित्व भएको बताउनुभयो । उंहाले तिज पर्वको मौलिक पक्षका बारेमा बिद्यार्थीहरुमा ज्ञान आवश्यक रहेको औल्याउनुभयो । उहाले  हरेक महिलाहरुलाई  आफ्नो हक अधिकारमा  सक्रिय  भएर लाग्न  पनि  आग्रह गर्नुभयो ।  उहांले पछिल्लो समय  अधिकाश महिलाहरु  असुरक्षित हुदा  महिलाका घटना बढी रहदा सम्पूर्ण महिलाहरुलाई  सचेत   रहन र आफु हिंसामा  नपर्न पनि  आग्रह गर्नुभयो ।

त्यस्तै  क्षेत्रीय  प्रहरी  तालिम  केन्द्र बुटवलका प्रहरी नायब उपरिक्षक मेघराज  कंडेलले  विद्याार्थीहरुलाई   निरन्तर संघर्ष बिना  कुनै पनि कार्यमा सफलता प्रात्त गर्न नसकिने भन्दै लगनशिलताका साथ लाग्न बिद्यार्थीहरुलाई आग्रह गर्नुभयो ।  हरेक व्यक्तिले निरन्तर लगाव, तत्परता र अन्तरइच्छा भएमा  मात्र सफलता प्रात्त गर्न सकिने  कुरामा जोडदिनुभयो ।

  कार्यक्रममा  बुटवल बहुमुखी क्याम्पसका प्रध्यापक  दिवाकर रेग्मी, सीताराम भट्टराई , गोविन्द ज्ञवाली, चार्टर एकाउण्टेण्ट प्रमोद पन्थी, बुटवल जेसिजका इन्टरटेन्मेन्ट डाइरेक्टर दिनेश खड्का, समाजसेवी सिता खनाल, माधव  पन्थ , सुमन थापा , मिरा भण्डारी , गीता सापकोटा, सुष्मा थापा, सुलोचना खनाल लगायतले बोल्नु भएको थियो ।  कार्यक्रम  लोक दोहारी  प्रतिष्ठानका सदस्य गायीका रेनुका भट्टराईले  र कलाकार सिक्षा  पोख्रेलले बिभिन्न प्रस्तुती मार्फत मनोरञ्जन प्रदान गरेका थिए ।  प्रा.लि.का प्रमुख कार्यकारी अधिकृत गिरीराज पाण्डेको संचालनमा भएको कार्यक्रममा  विद्याार्थी  सुनिल गुप्ताले स्वागत गर्नुभएको थियो ।  

0 प्रतिकृयाहरू प्राप्त

To Top