श्रीमानलाई मदिरा खुवाएर श्रीमतीमाथि बलात्कार

समाज साउन ३१ २०७४ .
Rape

दाङ–पश्चिम दाङमा एक बाढी पीडित महिला बलात्कृत भएकी छन् । बबई गाउँपालिका २ ट्वाङखोलाकी २१ बर्षिया सीता खड्का(नाम परिवर्तन)लाई सोही गाउँपालिकाको वडानम्बर ५ हापुरेका २६ बर्षिय इन्द्रबहादुर वलीले बलात्कार गरेको इलाका प्रहरी कार्यालय तुलसीपुरले जनाएको छ । 

प्रहरीका अनुसार घरमा बाढी पसेर महिलाको घर जलाम्य थियो । घरभित्रको पानी बाहिर फालिरहेकी ती महिलालाई साउन २९ गते राती १० बजेतिर वलीले बलात्कार गरेका थिए । वलीले ती महिलाका श्रीमान्लाई घरनजिकैको होटेलमा मदिरा सेवन गराई बेहोस बनाएर श्रीमतीलाई बलात्कार गरेका थिए । 


वलीलाई नियन्त्रणमा लिएर जबरजस्ती करणी ऐन अनुसार मुद्दा चलाइएको ईलाका प्रहरी कार्यालय तुलसीपुरका निमित्त प्रमुख प्रहरी निरीक्षक विवेक कुमार शाहले जानकारी दिए ।
 
 

प्राप्त प्रतिकृयाहरू

To Top