मृतक बालकलाई गाड्ने ठाउँ नभएपछि बगाइदिए आफन्तले

काठमाडौं, साउन ३०–अविरल वर्षापछि आएको वाढी पहिरोबाट हालसम्म ६६ जनाले ज्यान गुमाइसकेको गृहमन्त्रालयले जनाएको छ ।  बाढीका कारण तराईको जनजीवन कष्टकर बनेको छ ।
सप्तरीको कोइलाडी– ६ का  बालक कमल सदाको मृत्यु भयो ।  आइतबार मृत्यु भएका उनी केहि दिनयता बिरामी थिए । उनको मृत्यु भएसँगै  आफन्तले परम्पराअनुसार अन्तिम संस्कार गर्न (शब गाढ्न) चाहेको थियो  । तर, अविरल वर्षाका कारण जताजतै बाढी नै बाढी हुँदा त्यो सम्भव भएन  र काका देवकुमार सदाले पानीमा बगाइदिए ।

उक्त दर्दनाक क्षणलाई  यूरोपियन फोटो एजेन्सी (ईपीए)का फोटो पत्रकार नरेन्द्र श्रेष्ठले क्यामेरामा कैद गरेका हुन् ।  
उनले सप्तरीमा केहि दिनअघि खिचेको तस्बिर पनि निकै भाइरल बनिरहेको छ । उक्त तस्बिरमा बाढीकाबीच एक पीडित गाईको बाच्छो र बाख्रा काँधमा हालेर सुरक्षित स्थानतिर लम्किइरहेको देखिन्छ ।