आइसीसी एसिया यू–१९ क्रिकेटः नेपाल १९१ रनको लक्ष्य पछ्याउँदै, अफगानिस्तान १९० मै अलआउट

खेल साउन ५ २०७४ .
U 19 cricket nepal

पदाङ । सिंगापुरको पदाङमा भइरहेको आइसीसी एसिया यू–१९ विश्वकप छनोट क्रिकेटको तेस्रो खेल विजयका लागि नेपालले १९१ रनको लक्ष्य पछ्याउँदै छ ।

पेदाङ रंगशालामा भइरहेको खेलमा नेपालले टस जितेर फिल्डिङ गरे पनि सुरुवातमा विकेट लिन नसके पनि पछिल्ला विकेट भने निकै सजिलै लिएको थियो । कसिलो बलिङ गर्न सकेको छैन । अफगानिस्तानले ७५ रन जोड्दा पहिलो विकेट गुमाए पनि त्यसपछि लगातार विकेट लियो ।

अफगानिस्तान ४९.४ ओभरमा अलआउट भयो । इब्राहिम जद्रानले सबैभन्दा बढी ४३ रन बनाए । नेपालका लागि शहाब आलमले ३ तथा पवन सर्राफ र कप्तान सन्दिप लामिछानेले २–२ विकेट लिए ।

सन्दिपले ३ खेलमा १२ विकेट लिइसकेका छन् ।

दुबै टिमले यसअघिका खेलमा सिंगापुर र मलेसियालाई हराएका छन् । हेड टु हेडमा अफगानिस्तान हावी भए पनि यो खेलमा नेपालले राम्रो बलिङ गरेको छ ।

 

प्राप्त प्रतिकृयाहरू

To Top