एमाले महिलालाई विशेष प्राथमिकता दिएर चुनावी मैदानमा

राजनीति असार ११ २०७४ .
Kapilbastu mahila

 कपिलवस्तु ।
स्थानीय तहको निर्वाचनमा कपिलबस्तु नेकपा (एमाले) ले मुश्लिम, थारु र महिलालाई विशेष प्राथमिकता दिएर चुनावी मैदानमा अघि सारेको छ । जसको कारण चुनावको मिति नजिकिदै गर्दा एमालेका उम्मेदवारप्रतिको आकर्षण ह्वात्तै बढेको छ ।
एमालेले मायादेवी गाउँपालिकाको अध्यक्षमा फौजिया नसिमलाई उम्मेदवार बनाएको छ । मुस्लिम समुदायका महिला बुर्का भित्र बस्नु पर्छ भन्ने पुरानो मान्यतालाई तोड्दै विगत ८ वर्षदेखि राजनीतिमा सक्रिय नसिम अनेमसंघकी जिल्ला समिति सदस्य हुनुहुन्छ । आफूले चुनाव जिते मुस्लिम महिलाहरुको दैनिकी फेर्नेका साथै, गाउँपालिकालाइ समृद्ध बनाउने फौजिया बताउनुहुन्छ । उहाँ भन्नुहुन्छ–‘चुनौति पक्कै पनि छ, त्यसैमा पनि म मुस्लिम महिला हो, चुनौतिलाई सामना गर्दा सफलता हासिल गर्न सक्छु ।’

जिल्लाभरीका ५ नगरपालिकामध्ये एक वाणगंगा नगरपालिकाको प्रमुखमा एमालेले विमला घिमिरेलाइ उठाएको छ । बाणगंगा नगरपालिकालाई नमुना नगरपालिका बनाउने उद्घोष गर्दै चुनावी मैदानमा होमिएकी घिमिरे ‘आफ्नो गाउँ आफैं बनाऔ’ं ‘सुखी नेपाली समृद्ध नेपाल ’ जस्ता एमालेका जनप्रीय कामका कारण पनि आफूले चुनाव जित्नेमा ढुक्क भएको बताउनुहुन्छ । १६ वर्षको उमेरबाटै राजनीतमा लाग्नुभएकि घिमिरेले ०४७ सालमा एमालेको संगठिन सदस्य लिनुभएको हो । । त्यस पछि उहाँले पार्टिको जनवर्गिय संगठनहरु अनेरास्ववियु, अनेमसंघ जिल्ला कमिटीमा रहेर काम गर्दै विभिन्न अधिवेशसनहरु बाट अनेमसंघको जिल्ला अध्यक्ष , पार्टीको जिल्ला कमिटी सदस्य, उपसचिव, राष्ट्रिय प्रतिनिधि परिषद् सदस्य, जिल्ला सचिव हुँदै हाल पार्टी केन्द्रीय स्कुल विभाग सदस्य र संघको केन्द्रीय सदस्यको जिम्मेवारी वहन गर्दै आउनु भएको छ ।

त्यस्तै एमालेले शिवराज नगरपालिकाको उपमेयरमा थारु समुदायकि युवा नेतृ शिवकुमारी थारुलाई उमेदवार बनाएको छ । भारी मतका साथ चुनाव जित्ने विश्वासका साथ निर्वाचनमा होमिनु भएकी थारु आफूलाइ एमालेले ठूलो अवसर प्रदान गरेको बताउनुभयो । आफूले चुनाव जितेमा सधै पछाडि पारिएको थारु समुदायको पिडा र समस्या सम्बोधन गर्ने उहाँले बताउनुभयो ।

प्राप्त प्रतिकृयाहरू

To Top